हेटौंडा–हेटौंडामा प्रहरीले एकैदिन २ सय ९ किलो गांजा बरामद गर्दा ३ जनालाई पक्राउ गरेको छ । जिल्ला प्रहरी कार्यालय मकवानपुरबाट खटिएको प्रहरीले हेटौंडा–१५, रातोमाटेस्थित पूर्वपश्चिपम लोकमार्ग सडकखण्डमा हेटौंडाबाट बारातर्फ जांदै गरेको बीआर ०१ जीजी ८४९५ नम्बर भारतीय ट्रकबाट गांजा बरामद गरेको छ ।
बुधबार विहान करिब पौने ११ बजे उक्त ट्रक चेक गर्दा गाडीमा लुकाइ ल्याएको लागुऔषध गांजा १ सय ६९ किलो फेला परेको हो । ट्रकचालक भारत मोतिहारी बस्ने वर्ष ३० का रवीन्द्र राय र सोही ठाउं बस्ने सहचालक वर्ष ३१ का मुक्तार सैफिकलाई गांजा र ट्रकसहित नियन्त्रणमा लिएर थप अनुसन्धान भइरहेको प्रहरीले जनाएको छ ।
बुधबार नै विशहन ७ बजे जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा–१९, नेवारपानीस्थित पूर्वपश्चिम लोकमार्ग सडकखण्डमा मनहरीबाट हेटांैडातर्फ आउंदै गरेको ना. ६ ख ३७४१ नम्बर कन्टेनर चेक गर्दा गांजा बरामद गरेको छ । गाडीमा लुकाइल्याएको लागुऔषध गांजा ४० किलो फेला परेको हुंदा कन्टेनर सहचालक नुवाकोट बेलकोटगढी नपा वडा–४ बस्ने वर्ष १९ का दीपक गुरुङलाई गांजा र कन्टेनरसहित नियन्त्रणमा लिइएको जनाइएको छ ।
एकैदिन समातियो २०९ किलो गाँंजा
