मो.मोजिबुल्लाह ।। रौतहट बारा जिल्ला बाट उत्पादन स्टार अकवा प्याक गरिएको खानेपानीको मिनरल वाटर बोतलको गुणस्तरमाथि धेरै प्रश्न उठ्ने गरेको छ । सिल प्याक गरिएको बोतलमा लेऊ, किरा लगायतका अखाद्य चीजहरु बेलाबेलामा भेटिने गर्दछ । बारा जितपुरको स्टार अकवा नामक खानेपानीको बोतलमा उपभोक्ताले किरा भेटेका छन् ।
स्वच्छ खानेपानीका लागि आजभोलि मिनरल वाटर बोतल किनेर खाने प्रचलन बढ्दो छ । तर स्वच्छ पानीका लागि भनेर बढी पैसा तिरेर खाने भएपनि बेलाबेलामा यस्तो पानीमा पनि लेऊ, किराहरु भेटिएका घटनाहरु पनि धेरै चोटि सञ्चार माध्यममा आएका छन् । पछिल्लो समयमा रौतहटमा पनि स्टार अकवा नामको सिल प्याक मिनरल वाटरमा किरा भेटिएको छ ।
जितपुर बारा जिल्ला बाट उत्पादित मिनिरल वाटरको शिलवन्दी बोतल भित्रको पिउने पानीमा किरा भेटिएको हो । रौतहटको सदरमुकाम गौरको एक पसलमा किनिएको मिनिरल वाटर बोतलभित्र कालो रंग तथा फोहर जस्तो किरा भेटिएको उपभोक्ताको भनाई छ ।
यसरी आम उपभोक्ताको स्वास्थ्यसंग प्रत्यक्ष जोडिएको खानेपानीमा खुल्ला रुप मै लापरबाही भईरहेको छ । केही पैसाको लोभमा व्यवसायीहरुले गुणस्तरहीन पानीको उत्पादन तथा विक्री वितरण गरिरहेका छन् । जनताको स्वास्थ्यसगं खेलवाड गर्नेलाई कारवाही गर्नु पर्ने माग अर्का उपभोक्ता हरूको भनाइ रहेका छन ।
किरा भेटिएको पानीको बोतलमा सन् २०२३/२६ अगष्टसम्ममा पानी प्रयोग गर्न सकिने उत्पादन मिति छ । खाद्य प्रविधि तथा गुण नियन्त्रण डिभिजन कार्यालयको मापदण्ड अनुशार पानीको न्यूनतम पीएच ६ देखि ७.५ प्रतिशत हुनुपर्दछ ।
राष्ट्रिय उपभोक्ता मञ्च बारा र सम्वाद समूहको सचिवालयको सहकार्यमा यस अघि खाद्य प्रविधि तथा गुणस्तर विभागले बारा जिल्ला बाट उत्पादित पानीको पीएच परीक्षण गर्दा समेत स्टार अकवा नामक पानीको पीएच ६ प्रतिशत थियो ।
